Күҙҙең арығанлығын нисек бөтөрөргә

Күҙҙең арығанлығы һәм көсөргәнеше күптәргә таныш, айырыуса компьютер ар­тында оҙаҡ ваҡыт эшләгәндәргә. Кү­реү асыҡлығын ҡайтарыр­ға бер нисә ябай, әммә һөҙөмтәле күнекмә ярҙам итә­сәк.

Күҙ ҡыҫыу: 1-2 минут күҙ ҡыҫып ҡара­ғыҙ. Был ябай ғына ғәмәл лайлалы тышсаны дымландыра, ҡоролоҡто бөтөрә, күҙ эсендәге ҡан әйләнешен яҡшырта.

Күҙ мускулдарына күнегеү: спазмды еңеләйтеү өсөн ҡарашты шыма ғына кү­­серергә кәрәк. Мәҫәлән, уңға ҡара­ғыҙ, унан ҡарашты яйлап ҡына тура һы­ҙыҡ буйлап һулға күсерегеҙ. Ҡаршы йү­нәлештә, шулай уҡ өҫкә һәм аҫҡа ҡабатлағыҙ.

Ҡараңғылыҡҡа сумыу: был күҙгә ял биреүҙең шәп ысулы. Бармаҡтарҙы бер-береһенә ышҡып, йылытығыҙ, баҫым яһамайынса, йомоҡ күҙҙәрҙе ипләп кенә ҡап­лағыҙ. Ҡараңғыла 1-2 минут ял итергә ты­рышығыҙ.

Муйынға күнекмә: муйындағы көсөргәнеш йыш ҡына күҙҙәге ҡан әйләнешен боҙа. Бер нисә тапҡыр яйлап башығыҙҙы тү­ңәрәк буйлап әйләндерегеҙ, һуңынан уң­ға һәм һулға, алға һәм артҡа эйегеҙ. Был ҡан әйләнешен әүҙемләштерәсәк.