Апрелдә баҡсала нимә сәсергә була?

 Борсаҡ. Әҙер түтәлдә 20-30 см алыҫлыҡта  тәрән булмаған һыҙаттар яһап, орлоҡтарҙы балсыҡлы тупраҡта  - 3, еңел ҡомло тупраҡта 5 сантиметр тәрәнлеккә сәсәләр, уларҙы бер-береһенән 5 см алыҫлыҡта урынлаштыралар. Сәскәндән һуң тупраҡты яҡшы тығыҙлағыҙ һәм һыу һибергә онотмағыҙ.

 Кишер. Кишерҙе сәсеүҙең иң ҡулай ваҡыты – апрель уртаһынан май уртаһына тиклем. Орлоҡтарҙы 1,53 см тәрәнлеккә (тупраҡ төрөнә ҡарап) сәсәләр. Артабан шытымдарҙы һирәгерәк эшкәртеү менән шөғөлләнмәҫ өсөн, орлоҡтарҙы бер-береһенән 11,5 см алыҫлыҡта урынлаштырып, берәмләп һалыу яҡшы.

Ирәүән. Был һыуыҡҡа сыҙамлы культураның орлоҡтары шытып сығыу өсөн тупраҡтың 2-3° градусҡа тиклем йылыныуы етә. Бынан тыш, шытып сығыуҙы тиҙләтеү өсөн уларҙы дымлы марляла үҫтерәләр.

 Редис. Был йәшелсәне апрель аҙағынан бөтә миҙгел дауамында асыҡ грунтҡа сәсергә була. Яҙын сәсеү өсөн иртә өлгөргән сорттарҙың орлоҡтарын һайлап алыу яҡшыраҡ. Орлоҡтарҙы ултыртыр алдынан дымлы салфеткала 2-3 көн буйына үҫтерәләр.

Руккола. Яңы йәшелсә миҙгел дауамында даими рационда булһын өсөн, рукколаны 2-3 аҙна арауығында бер нисә тапҡыр сәсәләр. Руккола орлоҡтарын беренсе тапҡыр апрель аҙағында май башында, һауа температураһы 8-10°С еткәс, сәсәләр. Йәш сәсеүселәр температураның -5°С тиклем түбәнәйеүен күтәрә.

Сөгөлдөр. Сөгөлдөр асыҡ грунтҡа сәселә, тамырлы ҡатламда тупраҡ 6-8°с тиклем йылына, ә һауа температураһы 1518°с кимәлендә ҡала.

Шпинат. Уның орлоҡтары 4°C температурала шытып сыға, ә үҫентеләр барлыҡҡа килгәндән һуң үҫеү өсөн оптималь температура 15° градус етә. Шпинат орлоҡтарын апрель аҙағында сәсә башлайҙар һәм миҙгел дауамында 3-4 аҙна арауығында бер нисә тапҡыр һирәкләйҙәр. Алдан шпинат орлоҡтарын 12 көнгә ебетәләр, ә сәсеү алдынан бер аҙ киптерәләр.