Үтек табанын таҙартыу саралары

Беҙ кейемдең таҙалығын кү­ҙәтәбеҙ, әммә йыш ҡына үтек ту­раһында онотабыҙ - ә бит ул ту­ҡымаға туранан-тура ҡағыла.

Үтек табанын даими таҙартыу мөһим, сөнки унда:
- синтетик эҙҙәр ҡала;
- насар шыуа;
- туҡымала тап барлыҡҡа килә.

Табанына «һөжүм» ҡайҙан алына:
- синтетик туҡыманы үтекләүҙән;
- юғары температуранан;
- кейемдә йыуыу саралары ҡалдыҡтарынан;
- пар режимынан.

Таҙартыуҙың ябай ысулы: соданы һыу менән паста хәленә тиклем ҡатнаш­ты­рырға, тулыһынса һыуынған табанға һөр­­төргә (тик ныҡ баҫым яһамағыҙ), йом­шаҡ туҡыма менән һөртөргә, ҡалдыҡтарҙы дымлы салфетка менән һы­пырып төшөрөргә.

Һеркә менән таҙартыу: үтекте бер аҙ йылытырға, розетканан сығарырға, табанын һеркәле туҡыма менән һөртөргә, ҡороторға. Был ысул эзбизле тап өсөн яҡшы.

Пар өсөн тишекте: мамыҡ таяҡса ме­нән таҙартырға, парҙы ҡабыҙырға һәм дым менән ҡалдыҡтарын сығарырға.

Нимә эшләргә ярамай:
- бысаҡ йәки ҡаты губка менән таҙартырға;
- тоташтырылған үтекте таҙартыу;
- етештереүсенең тәҡдимен инҡар итеү.

Үтектең таҙалығын нисек оҙайтырға:
- дөрөҫ температура режимын һайлау;
- әйберҙе кәрәк булғанда туҡыма аша үтекләү;
- таҙа һыу ҡулланырға;
- табанын үтекләгәндән һуң һөртөп то­роу.