+30 °С
Болотло
Файҙалы кәңәштәр
1 Февраль , 07:00
Башҡорт халыҡ мәҡәлдәре
Теле менән телеп һала ул.
- Тегеүсенең төймәһе булмаҫ.
- Тегеүсе боҙа, үтек төҙәтә.
- Тегеүсенең туны юҡ.
- Тейер, теймәҫ сер итә
- Тейҙерә алмағандың уғы кәкере.
- Тейһә тейенгә, теймәһә ботаҡҡа
- Теле бысаҡһыҙ телә
- Теле телгә теймәй(йоҡмай)
- Теле ямандың көнө яман.
- Теле оҫта, ҡулы ҡыҫҡа
- Тел менән тирмән тарттырып, онло булып булмай.
- Тел менән һөйләгәнсе, ҡул менән эшләп күрһәт
- Тел һөйләй, ҡул эшләй
- Тел һөйәкһеҙ, уй төпһөҙ.
- Телеңдән килгән ҡулыңдан килһен.
- Телең һөйләһен, ҡулың эшләһен.
- Телеңде бәйләп ҡуй ҙа, ҡулыңды эшкә ҡуш.
- Телеңә таянма, көсөңә таян, көсөңә таянма, эшеңә таян.
- Теләк булһа, беләк ҡарышмай.
- Теле оҙон, ҡулы ҡыҫҡа
- Теленең осо бал, төбө ағыу
- Теленең өҫтө - һөт, аҫты - ҡорт.
- Телеңә урын тапмаһаң, тешеңә ҡыҫтыр
- Телеңде теш артында тот, ҡолағыңды киҫмәһен.
- Теләге булған яйын эҙләр, теләге булмаған сәбәбен табыр.
- Тибешеп ятһа ла тиңең булһын.
- Тиле ҡыҙ туй иткән, үҙе түргә менеп ултырған
- Тилене килегә һалып төйһәң дә тиле
- Тиленең уйында ни, телендә шул.
- Тик йөрөгәндән тәңре биҙер.
- Тик торған тиктән үлгән.
- Тик торған отторған, тик тормаған — туҡ торған
- Мәҡәлдәрҙә - халыҡ аҡылы
Башҡорт халыҡ мәҡәлдәре
