Ябығыу сере

Һеҙ даими рәүештә күнекмәләр эш­ләп дөрөҫ туҡланһағыҙ ҙа, эстәге май йы­йырсыҡтары юғалмаймы? Бәлки, бы­ға спорт та, диета ла түгел, ә йоҡо етеш­мәү сәбәпселер.

Фәнни тикшеренеүҙәр күрһәтеүенсә, йо­ҡо етешмәүе гормональ баланс­ты бо­ҙа. Кортизол («стресс гормоны») һәм гре­лин («аслыҡ гормоны») кимәле ар­та, ә ту­йыу тойғоһо өсөн яуап биргән леп­тин етештереү кәмей.

Ял итеүҙән мәхрүм ҡалған организм энергия һаҡлау режимына күсә. Ул, «ашы­­ғыс резерв» булдырып, калориялар­ҙан, айырыуса ҡорһаҡ тәңгәлендә запас туп­лай башлай. Ҡатын-ҡыҙҙарҙа был йыш ҡына физиология үҙенсәлектәре ар­ҡа­һында нығыраҡ сағыла.

Шуға ла тейешле кимәлдә ял итеү спорт залына йөрөү, дөрөҫ туҡланыуҙан кәм түгел. Тәүлегенә 8-9 сәғәт сифатлы йо­ҡоға ынтылығыҙ: был матдәләр алма­шы­ныуын көйләй, татлы ризыҡҡа тарты­лыуҙы кәметә һәм тәнгә артыҡ запас ме­нән еңелерәк хушлашырға ярҙам итә.

Иҫегеҙҙә тотоғоҙ: сәләмәт йоҡо - зин­нәт түгел, ә матур тән, һаулыҡ өсөн кә­рәк.