Ултыртып бөттөгөҙмө? Хәҙер тағы ла яуаплыраҡ эш көтә

*бөтә йәшелсәләргә лә һыу һипкәндә нашатыр спирты һибергә (10 литрға 2 аш ҡалағы);
*100 грамм сөпрәне 10 литр һыуҙа эретеп һипһәң, йәшелсәләр гөрләп үҫә;
*сөгөлдөр баллы булһын өсөн, һирәкләгәс аш тоҙо эретмәһе һибергә (10 литр һыуға бер стакан). Был кишер, һуған, һарымһаҡ өсөн дә бик файҙалы;
*помидорҙарҙы фитофтороздан һаҡлар өсөн һөт йәки эремсек һыуына бер тамсы йод тамыҙып һибергә кәрәк;
*помидор һәм ҡыярҙарға 10 литр һыуға 20 тамсы йод ҡушып яһалған шыйыҡсаны вегетация осоронда бер нисә тапҡыр һипһәң, бөрөләре күбәйә һәм ауырыуҙарға ҡаршы тороусанлығы арта;
*һуған көпшәләнмәһен өсөн, утыртыр алдынан сәй содаһы эретмәһенә һалып торорға кәрәк. Бер литр һыуға бер сәй ҡалағы сода алына;
*еләктәргә сәскә атыр алдынан йод эретмәһе һибегеҙ. 10 литр һыуға – 10 тамсы;
*йод эретмәһен шулай уҡ кәбеҫтә лә бик ярата. Сәкән яһала башлағанда һибеү яҡшыраҡ. 10 литр һыуға – 40 тамсы.