+30 °С
Болотло
Файҙалы кәңәштәр
22 Май , 07:00
Вәт үҙебеҙҙең сәйгә етмәй инде!
Бөгөн - сәй көнө. Һеҙҙең яратҡан сәйҙең атамаһы нисек? Уны үҙебеҙҙә үҫкән үләндәр менән алмаштырыуға нисек ҡарайһығыҙ? Ҡарағат, ҡурай еләге япрағынан тыш, тағы ниндәй үлән сәйе әҙерләп була?
Ҡара һәм йәшел сәй бер үк ҡыуаҡта үҫә. Айырма уларҙы әҙерләү ысулдарында.
Ромашка, бөтнөк йәки гөлйемеш “сәйҙәре” — ысынында сәй түгел. Бындай эсемлектәрҙе "тизан" тип атайҙар.
Сәй составында L-теанин бар. Ул тынысландыра һәм иғтибарҙы тупларға ярҙам итә. Шуға ла сәйҙән һуң тыныслыҡ һәм еңеллек тойғоһо барлыҡҡа килә.
Донъялағы иң һирәк сәй төрҙәренең береһе — һары сәй. Элек уны Ҡытай император һарайы өсөн генә әҙерләгәндәр, ә ситкә сығарыу ҡәтғи тыйылған булған.
Донъяла һәр секунд һайын яҡынса 15 000 сынаяҡ сәй эселә.
Вәт үҙебеҙҙең сәйгә етмәй инде!
