Эремсектән сыр

Был рецепт буйынса ҡаты, һары сыр сыға. Ул магазиндан һатып алынғанға оҡшаш, әммә күпкә тәмлерәк һәм файҙалыраҡ.

Эремсек мотлаҡ ҡоро һәм сифатлы, майлылығы кәмендә 9 процент булырға тейеш, үҫемлек майы булмаҫҡа те­йеш, юғиһә ул иремәйәсәк.

Бының өсөн кәрәк:

Эремсек - 1 кг;
һөт - 1 л;
аҡ май - 50 г;
йомортҡа - 3 дана;
сода - 1 балғалаҡ;
тоҙ - 1 балғалаҡ.

Әҙерләү:

✓ Һөттө ҡайнатып сығарырға.
✓ Һөткә эремсек һалып, һү­ле айырылғансы талғын утта бе­шерергә. Ҡатнашманы ҡайнатырға ярамай.
✓ Ҡатнашманы марлялы дурш­лагҡа күсерергә һәм эрем­сек һыуын тулыһынса ағы­ҙырға.
✓ Сыр массаһын мискәгә һа­лырға, май өҫтәргә, болғатырға.
✓ Тоҙ, йомортҡа һарыһы, со­да өҫтәргә. Ингредиенттар­ҙы яҡшылап бутарға.
✓ Ҡатнашманы аҙыҡ пленкаһы менән тышланған сили­кон формаға күсерергә. Һал­ҡын урында 3-4 сәғәт тоторға.