Июндә баҡса эштәре.

СҮП УТАУ, ҺЫУ ҠОЙОУ

Июнь айында баҡса эштәренең ҡыҙған мәле. 

Ағастарҙы тәрбиәләү

Июндә ағастар емешкә төймәләнә. Тимәк, уларға һыу һәм файҙалы матдәләр кәрәк.

Һыу ҡойоуҙың төп ҡағиҙәләре:

• Һәр баҡсасы һыуҙы үҙенсә һибә, шулай ҙа һирәк, әммә мул итеп ҡойоу — иң дөрөҫө буласаҡ.

• Көн һайын һыу ҡойғанда, ерҙең өҫкө ҡатламын ғына дымлап сығырлыҡ итеп һыу ҡойһағыҙ, тамыр системаһы тәрәнгә китмәй, өҫтә генә ята.

• Ҡоролоҡ осоронда бындай ағастар ныҡ зыян күрә.

• Ҡышын тамырҙар өшөүе ихтимал.

• Шуға ла һуңғы ваҡытта популяр булып киткән тамсылап һыу һибеүҙе күпселек баҡсасылар хупламай.

Туҡландырыу:

Йәй уртаһына тиклем ағастарҙы азотлы ашламалар менән туҡландырырға мөмкин:

• Тиҙәкте, шулай уҡ тауыҡ тиҙәген һыуға болғатып һибеү тупраҡты азот менән байытасаҡ.

• Азофоска (нитроаммофоска) кеүек, составында азот, фосфор, калий булған ашламалар ҙа ярай.

• Макро ғына түгел, микроэлементтар булған комплекслы ашламалар ҙа ҡулай.

Ошо мәлдә киләһе уңышҡа нигеҙ һалына: ағастарҙа киләһе йыл сәскә атасаҡ сәскә бөрөләре формалаша. Шуның өсөн дә ашламалар һәм дым бик мөһим.

Быларҙы онотма:

• Азотлы ашламаны күп ҡулланмағыҙ: был ағастарҙың көсөн икенсе юҫыҡҡа йүнәлтәсәк — ул күп итеп япраҡ ярасаҡ, үҫентеләр ебәрәсәк.

• Артыҡ үҫентеләр күп икән, көҙҙө көтмәйенсә уларҙы ҡырҡығыҙ — ул шулай уҡ ағастың көсөн ала.

Зарарлы бөжәктәргә ҡаршы көрәш:

Июндә ағастарҙы зарарлы бөжәктәр баҫып алыуы ихтимал. Шуға ла көн һайын уларҙыф тикшереп тороғоҙ.

Йәшелсәләрҙе тәрбиәләү

Был ваҡытта йәшелсә баҡсаһында ла эш күп, сүп үләндәре лә тиҙ үҫә.

• Бер утап алһағыҙ, аҙаҡ еңел буласаҡ.

• Аҙнаһына 2 тапҡыр, әммә һеңдергәнсе һыу ҡойоу яҡшы.

Сәскәләр

• Ирис, пиондар: сәскә атып туҡтағас та, уларҙы ашлама менән туҡландырыу шарт.

• Раузалар: әле сәскәгә бөрөләнгән. Улар матур, сағыу итеп сәскә атһын өсөн минераль комплекс менән туҡландырығыҙ.

• Ләләләр: сәскә атып бөттө, тик уларҙы ҡаҙып алырға ашыҡмағыҙ.

  • Орлоҡҡа төймәләнеп ултырғандарын өҙөп ташлағыҙ.

  • Ләлә һабаҡтары һарғайып бөткәс кенә һуғандарын ҡаҙып алырға була.

  • Уларҙы көҙгә тиклем елләп торған урында, $22–23$та һаҡлайбыҙ.

Ләлә һуғандарын ваҡытында ҡаҙып алмауҙың саҡтары:

• Ҡаҙып алмаһағыҙ, ләлә ныҡ тәрәнгә китә — киләһе йылы уны таба алмауығыҙ ихтимал.

• Икенсенән, сәскәнең матурлығы кәмей.

---