Былар ҡыҙыҡлы

Әкиәттәрҙәге кеүек еләк, бәшмәк, кишер ямғыры ғына түгел, ә ысын тәбиғәттә башҡа төрлө дәшһәтле ямғырҙарҙа яуа икән.
Был хәл бынан күп йылдар элек Һиндостанда булған. Ҡапыл ел сыҡҡан, һәм ул ҡап-ҡара болоттар ҡыуып килтергән. Тирә-яҡты тетрәтеп, йәшен йәшнәгән. Бик көслө ямғыр башланған. Ямғыр тамсылары менән бергә ер өҫтөнә һауанан тере ваҡ балыҡтар һибелгән.
Был сәйер күренештән кешеләрҙең ҡоттары осҡан. Ямғыр тынған. Динселәр был балыҡтарҙы "изге" тип атағандар һәм уларҙы күлгә ебәргән. Дингә ышаныусылар балыҡҡа табынған.
Ә бына Испанияла ямғыр менән бергә ергә бойҙай яуған. Халыҡ бойҙайҙы ерҙән тоҡлап-тоҡлап һепереп алған. Донъяла бындай хәлдәр булғылай. Бындай дәшһәтле ямғырҙарҙы ҡойондар күтәрә.