Ҡарағаттан уңыш алыр өсөн көҙҙән хәстәрлә

Көҙөн ҡарағатты нимә менән туҡландырырға икәнен беләһегеҙме? Еләкте йыйып алғандан һуң күптәр ҡарағат ҡыуағын туҡландырыу тураһында онота. Япраҡтар  ҡойолғас яҙға тиклем уға бер нәмә лә кәрәкмәй кеүек тойола. Әммә көҙ-тупраҡтың торошон ҡарарға һәм кәрәк булғанда  туҡландырырға яҡшы ваҡыт. Доломит онона айырыуса һаҡ ҡарайым. Ул ысынлап та тупраҡтың кислоталылығын кәметергә ярҙам итә һәм кальций менән магнийҙы үҙ эсенә ала, әммә уны индереү көҙ еткәнгә генә кәрәкмәй Бор кислотаһы менән дә шундай уҡ хәл. Был микроэлемент үҫемлеккә бик аҙ күләмдә кәрәк. Шуға күрә бор кислотаһын артыҡ булыуы ла үҫемлектәргә кәрәкмәй.

Ә баҡыр купоросын универсаль туҡландырыу ҡатнашмаһына өҫтәп ашлама тип иҫәпләмәйем. Баҡыр препараттарын айырым ҡулланам. Ҡарағат аҫтынан ауырыу япраҡтарҙы һәм үҫемлек ҡалдыҡтарын алып ташлайым, ҡыуаҡтың һәм тупраҡтың торошона ҡарайым. Әгәр өҫтәмә туҡландырыу талап ителһә, тейешле көҙгө ашламаны һайлайым һәм уны инструкция буйынса индерәм. Әгәр тупраҡ ҡоро булһа, һыу һибәм. Ҡыуаҡ тирәләй түңәрәкләп тейешле серемтә менән ябырға итергә мөмкин, әммә бында ла фанатизмһыҙ: мульчаны ҡыуаҡ нигеҙенә яҡын итеп һалмайым.  Яҡшы уңыш барыбер йәшерен рецепт менән түгел, ә ҡыуаҡтарығыҙға нимә етмәүен аңлау менән башлана.