Ҡабаҡтан запеканка

Бының өсөн кәрәк:
ҡабаҡ - 600 г,
тауыҡ - 400 г,
ҡаймаҡ - 200 г,
йомортҡа - 2 дана,
тәмләткестәр, борос һәм тоҙ - тәменә ҡарап,
үҫемлек майы - 1 балғалаҡ.
Әҙерләү:
Мейесте 180 градус­ҡа тик­лем йылытырға.
Ҡабаҡты тышынан һәм орлоғонан таҙартырға һәм уртаса шаҡмаҡтарға турарға.
Табаны үҫемлек майы менән майларға.
Тауыҡ итен йыуып, бәләкәй шаҡ­маҡ итеп турарға.
Ҡабаҡ һәм тауыҡты табаға кү­серергә.
Тоҙ, тәмләткестәр өҫтәргә.
Барыһын да әкренләп бутарға.
Ҡаймаҡ һәм йомортҡаны айырым һауытҡа һалып болғатырға.
Ҡатнашманы тауыҡ менән ҡабаҡ өҫтөнә ҡойорға.
Йылытылған мейескә 40 минут­ҡа ҡуйырға. Ҡабаҡты тәмләп ҡа­рарға, әгәр ҙә ул һаман ҡаты бул­­һа, йомшарғансы бешереүҙе да­­уам итергә.
Ашығыҙ тәмле булһын!