Быйыл ҡыш нисек булыр?

Ҡышҡы миҙгелдең тәүге айында, декабрҙә, һауа торошо ғәҙәттәгенән һалҡыныраҡ торасаҡ, уртаса температура нормаға яҡын, йәғни -10,8 градус тирәһендә һаҡланасаҡ. Шулай ҙа ҡыҫҡа ваҡытҡа +1 градусҡа тиклем йылытыу ихтималлығы бар.

Йылдың иң һыуыҡ айы — ғинуарҙа ла һауа торошо күбеһенсә климат нормаһына яуап бирәсәк (-12,5 градус). Әммә айырым көндәрҙә, айырыуса төньяҡ-көнбайыш райондарҙа, ғәҙәттәгенән йылыраҡ булырға мөмкин.

Иң йылы ай — февраль. Был айҙа уртаса һауа температураһы норманан юғарыраҡ, -11,7 градус булыуы көтөлә.

Быйылғы ҡыштың нисек килерен ваҡыт күрһәтер. Шуныһы билдәле: көҙҙөң йылы булыуы ҡыштың да ғәҙәттәгенән йылыраҡ булыуына ишаралай.