Беҙ "Урындағы башланғыстарҙы хуплау программаһы"на ҡушылдыҡ!

 3-сө гимназияның тамаша залында Ленин урамы 156-сы йортта йәшәүселәрҙең, гимназия уҡытыусыларының һәм ата-әсәләрҙең "Урындағы башланғыстарҙы хуплау программаһы" буйынса йыйылыштары үтте. Фекер алышыуға түбәндәге мәсьәләләр сығарылды: инициативалы бюджетлау тураһында мәғлүмәт менән таныштырыу,  конкурс буйынса һайлап алыуҙа ҡатнашыу шарттары, Рәсәй һәм Башҡортостанда, районда проект сиктәрендә ысынбарлыҡта тормошҡа ашҡан проекттар. Йыйылыусылар  2025 йылда Урындағы башланғыстарҙы хуплау программаһында 3-сө гимназияның ҡатнашыуы өсөн тауыш бирҙе. Шулай уҡ конкурс заявкаһын әҙерләүгә  11 кешенән торған инициатива төркөмө һайланды. Ошонда уҡ  эш планы төҙөлдө.