Өфөлә яңы ҡоролмала ҡар иретеү бер кубометры 200 һумға төшәсәк

Тейешле ҡарарға сити-менеджер Ратмир Мәүлиев ҡул ҡуйҙы. Ҡарҙы ҡабул итеү һәм эшкәртеү хаҡы 200 һум 18 тин тәшкил итәсәк, тиелә документа. «Ъ-Өфө» хәбәр итеүенсә, 2023 йылдың ноябрендә Сәғит Агиш урамында икенсе ҡар иретеү пункты төҙөлөшө тамамланды. Объект ҡала бюджетына 165,5 миллион һумға төшә.Эштәрҙе «Компания Потенциал” яуаплылығы сикләнгән йәмғиәте башҡара. Уҙған йылдың февралендә Өфө хакимиәте башлығы Ратмир Мәүлиев тәүлегенә ҡеүәте 1,2 мең кубометрлыҡ иҫәп буйынса өсөнсө ҡар иретеү ҡоролмаһын төҙөү планы тураһында хәбәр итте. Хаҡы 134 миллион һумлыҡ объект шулай уҡ Сәғит Агиш урамында урынлашасаҡ. 2024 йылдың апрелендә ҡоролма төҙөүгә контракт төҙөлә. Заказсы булып мэрияның коммуналь хужалыҡ һәм төҙөкләндереү идаралығы сығыш яһай.  Субподрядсылар сифатында компания ете фирманы йәлеп итә, улар менән дөйөм суммаһы 81,6 млн һумлыҡ килешеүҙәр төҙөй. Былтыр декабрҙә заказсы ваҡыты үткән һәм йөкләмәләрҙе тейешенсә үтәмәгән өсөн 883 мең һумлыҡ штраф (неустойка) талап итә, ул түләнә. Быйыл ғинуарҙа яҡтар контрактты өҙгән, был ваҡытҡа генераль подрядсы 130,9 миллион һумлыҡ эштәр башҡарған.