ЯҘҒЫЛЫҠҠА...МАТУРЛАНАЙЫҠ!

Февраль ни тиклем генә беҙҙе өшөтөп, бураны менән ҡурҡытып ҡараһа ла, яҙ буҫағабыҙ аша атлап инеп килә. Әммә тап ошо ваҡытта беҙ үҙебеҙҙе хәлһеҙ тоя башлайбыҙ. Сәбәбе - витаминдар етешмәүе. Витамин етмәһә, һаулыҡҡа ла кире йоғонтоһо ҙур, ҡартайыуға ла килтерә. Нисек һау сәләмәт һәм матур булып ҡалырға?

Ашаған аҙығыбыҙҙа С витамины булырға тейеш: алма, әфлисун, лимон, кәбеҫтә, киви, татлы борос, ҡыҙыл сөгөлдөр, гөлйемеш төнәтмәһе.

В2 витамины: һөт, эремсек, бауыр, балыҡ, ҡарабойҙай, борсаҡ, сәтләүек, арыш икмәге, һоло бутҡаһы, йомортҡа.

А витамины: кишер, һыйыр майы, ҡыҙыл ыуылдырыҡ, алма, сыр, һөт, күрәгә.

Е витамины: көнбағыш, етен майы, миндаль, фундук, арахис, авокадо.

Көндәлек ашаған ризығығыҙға мотлаҡ ошо витаминдарҙы индерегеҙ һәм һау-сәләмәт, йәш, матур булығыҙ!

Автор:Лена Абдрахманова

Читайте нас:

Редакция һайлауы

Шулай уҡ уҡығыҙ