8 июлдә ямғыр яуһа - бал уңа.
9 июлдә ямғыр – сентябрь айына ямғырға ишара. Әгәр көн ҡояшлы булһа, бер аҙна ошундай һауа торошо көтөлә.
10 июлдә ямғыр яуһа, “Әбейҙәр сыуағы» ла шулай үтер.
11 июлдә урман шау-шыуһыҙ ғына шаулаһа – ямғыр көтөгөҙ
12 июль - Питрау. Был көндән һуң үҫемлектәр үҫеүҙән туҡтай. "Питрау етте - йәй үтте" тигән әйтем дә бар. Был көндө ямғыр яуһа, икмәк уңмай тип һанайҙар.
13 июль - кәкүк ҡысҡырһа, йәй дауам итә, ҡар һуң төшә тигән һынамыш бар
14 июлдә йондоҙҙар емелдәшеп, таң менән болоттар күренһә - көслө йәшенгә.
15 июлдә ағастарҙа һары япраҡ күренһә, иртә көҙ һәм ҡышҡа.
16 июлдә оҙонморон һәм серекәйҙәр түңәрәкләнеп осһа, 7 көн ямғырһыҙ буласаҡ.
17 июлдә болоттар бер буй булып һуҙылып аҡһа - йылы көнгә.
18 июль кисе көндөҙгә ҡарағанда йылыраҡ булһа - ямғырға.
19 июль дымлы булһа, сентябрь ҡоро була.
20 июль ямғыр бер-ике сәғәтләп яуһа - ашлыҡ өсөн зарарлы.
21 июль ай тоноҡланһа, июль аҙағы аҙ ямғырлы.
22 июль ҡурай еләге уңһа - һалҡын ҡышҡа.
23 июль - ҡайын япрағы ағастың осонан һарғая башлай икән - иртә көҙгә.
24 июль – күк гөрһөләп ишетелһә, көслө ямғырға.
25 июль ҡуйы томан күҙәтелһә, йәйҙең ҡалған өлөшө ҡоро һәм эҫе.
26 июль серекәйҙәр ҡоторһа – мул уңышҡа.
27 июлдә ямғыр яуһа, тағы 7 көнгә һуҙылыр.
28 июль - иртәнән ҡойоп ямғыр яуһа, көндәр эҫе торасаҡ.
29 июль ямғырлы икән, алдағы ике-өс көн дауам итәсәк.
30 июль - йәшен йәшнәһә көҙ ямғырлы, буранлы ҡыш килер.
31 июлдә көн эҫе булһа, декабрь һалҡын буласаҡ.