Был үлән йоҡоһоҙлоҡтан ҡотҡара, ҡан баҫымы менән холестерин кимәлен көйләй

Мәтрүшкә (душица обыкновенная) күп йыллыҡ үҫемлек. Ғәҙәттә ул ҡорораҡ ерҙә, урман ситендә, тау битләүендә, йылға  ярында үҫә.

Мәтрүшкәнең файҙаһы ифрат ҙур. Ул тәбиғи антибиотик иҫәпләнә.  Составында корвалол, аскорбин кислотаһы,  эфир майҙары күп.  Тән температураһын төшөрә,  йүтәлләгәндә ярҙам итә, артыҡ хлоестеринды ҡыуа. Ҡан баҫымы юғары булғанда, атеросклероздан, йоҡоһоҙлоҡтан йонсоғанда ҡулланалар. Өлкәндәр  уны сәйе тәмле булған өсөн генә түгел, файҙалы булғаны өсөн ҡулланғандар ҙа инде.