Баҡсағыҙҙа крыжовник уңдымы? Әле ҡыуаҡты нисек туҡландырырға? Һеҙгә оҡшаған сортты нисек үҫтерергә?

Бер йыллыҡ үҫентеләр ҡыуаҡҡа тейешле туҡлыҡлы матдәләрҙе  ерҙән үҙенә һура. Шуға ла еләген йыйып алғас, ҡыуаҡ төбөнә биш ҡалаҡ суперфосфат, бер ҡалаҡ калий сульфатын һибеп, ерҙе тырмалатығыҙ. Быйылғы йәш үҫентеләрҙе бөрөнән япраҡ ярған биш быуынына тиклем тамыр тәңгәленән иҫәпләгеҙ ҙә осон киҫегеҙ: шулайтһаң киләһе йылға уңдырышлылығын арттыра. Ҡырҡып алынған ботаҡтарҙы бер нисә көн һыуға, унан һуң “Корневин” онтағына  манып, ергә ултыртып, үҙегеҙгә оҡшаған сортты күбәйтә алаһығыҙ.