Фейхоа һәм бал менән ҡалҡан биҙен даулалап була

Йод етешмәүе кеше организмына бик кире йоғонто яһай,  тырнаҡтарҙан алып сәскә тиклем ул күренә. Йод етмәһә, балалар үҫеше артта ҡала, уларҙың интеллектуаль үҫеше насар бара. Бал менән фейхоа ингән тәҡдим ителгән состав йод етешмәүен ҡапларға ярҙам итә, сөнки ул фейхоала еңел үҙләштерелә торған формала бар. Йодтан тыш, фейхоала С, В, Р витаминдары,  пектин һәм башҡа ҡиммәтле матдәләр бар, ә  С витамины миҡдары лимондан ҡалышмай.

Ингредиенттарҙы тигеҙ пропорцияла алырға. Фейхоаны ит үткәргестә әйләндереп, бал менән бутарға, быяла банкаға һалырға, ҡапҡас менән ябырға һәм һыуытҡысҡа һалырға. Көнөнә 3 тапҡыр сәй эскәндә берәр  ҡалаҡ ашарға. Үҙегеҙҙең һәм яҡындарығыҙҙың һаулығы тураһында хәстәрлек күрегеҙ – фейхоаның бал менән бик файҙалы һәм тәмле ҡатнашмаһын әҙерләгеҙ!